ອີຣານ ເປີດໂຕລູກສອນໄຟຕ້ານຂີປະນາວຸດລຸ້ນໃໝ່
ສຳນັກຂ່າວ IRNA ຂອງສາທາລະນະລັດອິດສະລາມອີຣານ (IRNA) ລາຍງານລະບຸວ່າ: ອີຣານ ຫາກໍເປີດໂຕອາວຸດລຸ້ນໃໝ່ທີ່ເປັນ
ຜະລິດຕະພັນພາຍໃນປະເທດ ລວມມີລະບົບລູກສອນໄຟຕ້ານຂີປະນາວຸດອາມານ (Arman) ແລະ ລະບົບປ້ອງກັນໄພທາງອາກາດທີ່ທັນ
ສະໄໝ.
ການເປີດໂຕລູກສອນໄຟຊະນິດໃໝ່, ໄດ້ມີຂຶ້ນທ່າມກາງຄວາມເຄັ່ງຕຶງໃນພາກພື້ນເພີ່ມຂຶ້ນຂະນະທີ່ກຳລັງ ຮູຕີ ໃນເຢເມນ ໄດ້ໂຈມ
ຕີກຳປັ່ນ ສະຫະລັດອາເມຣິກາ, ອັງກິດ ແລະ ອິດສະຣາແອນ ຢູ່ທະເລແດງ, ໂດຍສາມປະເທດສະແດງໃຫ້ເຫັນຄວາມສາມັກຄີໃນເຂດກາ
ຊາ ເພື່ອຕອບໂຕ້ການໂຈມຕີຂອງຮູຕີ, ອາເມຣິກາ ໄດ້ແນໃສ່ບັນດາເປົ້າໝາຍກໍ່ການຮ້າຍທີ່ຢູ່ພາຍໃນ ເຢເມນ ແລະ ສະຖານທີ່ຂອງບັນດາ
ກຸ່ມທີ່ຖືກກ່າວຫາວ່າໜູນຫຼັງ ອີຣານ ຢູ່ໃນ ອີຣັກ ແລະ ຊີຣີ. ຕາມຂ່າວ IRNA ລະບຸຕື່ມວ່າ: ດ້ວຍການນຳໃຊ້ລະບົບອາວຸດໃໝ່ເຂົ້າໃນ
ດ້ານປ້ອງກັນຊາດ, ຄວາມສາມາດປ້ອງກັນທາງອາກາດຂອງ ອີຣານ ຈະເພີ່ມຂຶ້ນຢ່າງຫຼວງຫຼາຍ.
ລະບົບຂີປະນາວຸດ Arman ສາມາດຍິງໄດ້ 6 ເປົ້າໝາຍໃນໄລຍະຫ່າງແຕ່ 120-180 ກິໂລແມັດ, ຂະນະທີ່ລະບົບປ້ອງກັນທາງອາ
ກາດ Azaraksh ສາມາດລະບຸ ແລະ ທຳລາຍເປົ້າໝາຍໄດ້ໃນໄລຍະໄກເຖິງ 50 ກິໂລແມັດ. ທັງນີ້, ເມື່ອເດືອນ ມິຖຸນາ 2023 ຜ່ານ
ມາ, ອີຣານ ໄດ້ຍິງທົດລອງລູກສອນໄຟຂີປະນາວຸດທີ່ມີຄວາມໄວກວ່າສຽງລູກທຳອິດໃນປະເທດທີ່ມີຊື່ວ່າ ຟັດຕາ (Fattah) ທີ່ມີໄລຍະ
ຍິງໄກ 1.400 ກິໂລແມັດ.
ແຫຼ່ງທີ່ມາ: ໜັງສືພິມກອງທັບ
ວັນທີ 01/03/2024